بدء تصوير مسلسل "تحقيق"

أعلن السيناريست محمد الدباح، عن بدء تصوير مسلسل “تحقيق” للفنان أحمد مالك، وخالد أنور.

نرشح لك: عمر بطيشة يهاجم منير: يشوه التراث ويركب أي موجة

نشر “الدباح”، عبر حسابه الشخصي على موقع “فيسبوك” تدوينة أعلن من خلالها عن بدء تصوير المسلسل، وجاء نصها كالآتي: “وسط كل المشاريع فيه ٤ مشاريع بالنسبالي مشاريع عمر وبتمنى أقدر أنفذهم (تحقيق) واحد منهم ويمكن أهمهم، مشروع كتبت النسخة الأولى منه من أربع سنين وماكنش عندي أمل انه يتنفذ بسبب صعوبته بس دلوقتي ربنا أراد اننا نوصل للمرحلة دي، معظم الناس القريبة مني عارفين عن المشروع وفيه منهم كمان قروا حلقات الموسم الأول كله ومن وقتها وأنا بستمتع بردود الفعل فيما يخص الحلقات”.

تابع: “عايز أقول لكل الناس اللي حبت المشروع وتحمست من السيناريو إنها تشوفه، هانت، المشروع ده غالي عليا جدا لأني كتبته في وقت كنت فيه مش متأكد إن أي حاجة بكتبها ممكن توصل في حتة ومع ذلك قفلت على نفسي ٣ شهور وكنت بشتغل في اليوم ٨ و ٩ ساعات، لحد ما خلصت النسخة الأولى، على مدار الأيام الجاية حتكلم عن ناس كتير صدقوا في المشروع ده وساعدوني عشان نقدر سوا نحققه، زي ما اسمه (تحقيق)”.

مسلسل “تحقيق” بطولة أحمد مالك، خالد أنور، مي الغيطي، علي قاسم، تارا عماد، هدى المفتي، ومن إخراج محمد فتحي “شانج”، وإنتاج أروما.