قبل طرح أغنيتهما.. موقف من أيام المدرسة لـ"العسيلي" مع تامر حسني

يستعد كل من الفنان تامر حسني، والفنان محمود العسيلي، لطرح دويتو جديد بعنوان “”اختراع”، على طريقة الفيديو كليب.

نرشح لك: سعر تذكرة أول حفل “أونلاين” لـ عمرو دياب وطريقة الشراء

الفيديو من إخراج تامر حسني، كلمات أحمد راؤول، ألحان أحمد زعيم، توزيع و مكساج وسام عبد المنعم.

من جانبه، علق محمود العسيلي على التعاون مع تامر، عبر حسابه على موقع التواصل الاجتماعي “فيس بوك”، كاتبًا قصة جمعتهما أيام المدرسة.

ذكر “العسيلي”: “هحكي قصة محدش يعرفها خالص، حتى تامر مكانش مجمع إن الشخص دا أنا لحد ما فكرته ومات من الضحك، كنا في مدرسة واحدة أنا وتامر وأنا كنت في سنة خامسة ابتدائي”.

تابع: “وتامر كان التلميذ اللي مسؤل عن عروض حفلات التخرج وكان هيغني ويعمل عرض استعراضي كبير وجابوله 4 أصوات عشان يختار منهم حد يغني معاه بس كنا بنغني إنجليزي، واخترني أنا عشان أشارك في العرض وكنت فرحان أوي”.

أردف: “الفكرة من الموقف أن تامر نفس الشخص ونفس القلب اللي قابلته من أيام المدرسه لحد دلوقتي، وعايز أقوله أني أنا برضه فرحان نفس الفرحة ومتشرف باختيارك ليا لمشاركتك الأغنية العسل دي، وإحنا كبار ومحققين أحلامنا، بالمناسبة أنت بجد مخرج جامد يا تيمو، يا رب الأغنيه تعجبكم”.