لأول مرة.. الفيشاوي يروي كواليس أزمة مصروفات تعليم ابنته لينا
روى الفنان أحمد الفيشاوي لأول مرة، كواليس أزمة مصروفات تعليم ابنته لينا مع طليقته هند الحناوي، وذلك على خلفية صدور حكم بإلغاء حكم حبسه في قضية نفقة ابنته.
نرشح لك: أول ظهور للسيدة التي تستعد لرفع قضية نسب ضد أحمد الفيشاوي
كتب الفيشاوي منشورا على حسابه عبر إنستجرام: “النهاردة هند الحناوي فشلت أنها تحبسني سنه بمعرفة بنتي لينا.. ده الوقت أني أقولكوا اللي حصل باختصار.. أنا بشوف لينا من وهي عندها ٣ سنين بعد ما المشاكل خلصت بيني وبين مامتها وبالتالي كنت بصرف علي أكلها، شربها، هدومها ومدرستها الكندية في مصر”.
أضاف: “هند فهمتها عكس كده بس أنا عندي ما يثبت ذلك.. لما لينا تمت ١١ سنة هند اقترحت إننا نوديها مدرسة خاصة في لندن لتدريس الفنون من غناء، تمثيل، إخراج.. اإلخ. تحمست جدا عشان كنت شايف فيها موهبة كبيرة.. قدمت في المدرسة ووافقت علي السفر، وأول ما هند وصلت بـ لينا إنجلترا نقلتها من المدرسة ومن لندن إلى كِنت ( Kent ) لمدرسة مش تخصصها الفنون، بمصاريف أقل بكتير، وحطت فلوس مدرسة بنتي في جيبها وأيضا عندي ما يثبت ذلك في الوقت المناسب”.
استطرد أحمد الفيشاوي :أنا مش بلوم علي لينا علشان هي كذبوا عليها كتير وغالبا هي هتشوف الصور دي ويمكن تفتكر أني كنت موجود عشانها وبحبها وما زلت”.
