اتهام زوجة لاعب شهير بالعنصرية

اتهمت إحدى السيدات، زوجة لاعب كرة شهير، بالعنصرية بعدما اعترضت الأخيرة على نزول جليسة الأطفال بحمام السباحة في أحد الفنادق السياحية بمدينة الغردقة.

 

نرشح لك: بسبب جملة جمعت المحجبات والحيوانات.. دعاء فاروق تتهم أحد الشواطئ بالعنصرية

 

نشرت السيدة عبر حسابها الشخصي على موقع “فيسبوك” تدوينة كتبت فيها: “امبارح السبت 18\7\2020، أنا وجوزي وولادي والبيبي سيتر كنا موجودين في واحنا نازلين البول زى كل يوم فوجئت بواحدة كبيرة فالسن بتناديلي بتقولي الشغالة متنزلش أنا مش هنزل الماية مكان الشغالة، استفزيت جدا وراعيت فرق السن وسكت”.

تابعت: “بعدها بدقيقة جه Life guard بيقولي معلش البنت لازم تتطلع علشان لابسة قطن المهم مع احترمت كلامه وطلبت من البنت تطلع تغير وتلبس بوركيني ووتر برووف زي بتاعي وقد كان، فالوقت ده عرفنا انه اللي قاعدين واحدة اسمها ي. ن مرات لاعب كورة سابق اسمه ع .م و والدتها، نزلت البنت بالبوركيني وكنت معتقدة القصة انتهت فجأة جت اتهجمت عليا فالبول بتقولي أنتي يا بنتي هبلة أنتي عارفة أنتي بتعندي مع مين، لو مش عارفة أنك فريزورت محترم مينفعش تنزلي في شغالتك روحى بيها بلطيم”.

أضافت: “أنا مش هنزل مكانها دي مقملة ومجربة فى حاجة اسمها هايچين أنتي مجنونة، ده النوادي مبتنزلش شغالات ناقص أنزل مكان شغالة ايه القرف ده مش قادرة تشيلي عيالك احنا مالنا، ده اللي فاكراه طبعا غير وابل من الشتايم ومامتها بتقولها هعملكم محضر ورا، أنا مسكتش طبعا وحاولت أفهمها انه اللي بتقوله ده قرف وعيب وانه البنت نازلة بوتر بروف زيها زيك وحاجزة أوضة لوحدها زييها زيك”.

استكملت: “لحد ما تدخل حد من الإدارة، سألته بمنتهى الهدوء ٣ أسئلة، هل المكان بيمنع البوركيني؟ قاللي لا، لبنت حاجزالها أوضة لوحدها هل بتمنع الأجانب انهم ينزلوا البول؟ قاللي لا كله مرحب بي، هل قبل ما تنزل البول بتسأل عن خلفية عمله؟ قالي لا، الراجل مشكورا اعتذر عن غلطة معملوهاش أصلا والبنت نزلت وبعد ما الموضوع انتهى بعتولنا كادوه مشكورين”.

اختتمت: “أنا بس متعجبة اني في ناس بالطبقية وسواد القلب ده أنا مش فارقلي مهاتراتها معايا تماما لاني رديت عليها باللى يناسب تربيتي اللى واجع قلبي انه البنت كانت واقفة وسامعة كل الإهانة دي بدون اى ذنب عملته”.