الأخيرة

بسبب جملة جمعت المحجبات والحيوانات.. دعاء فاروق تتهم أحد الشواطئ بالعنصرية

أبدت الإعلامية دعاء فاروق، غضبها الشديد من إحدى الجمل التي وردت ضمن شروط حجز أحد الشواطئ الخاصة في مدينة العلمين الجديدة، موضحة أن هذا الشرط هو منع دخول النساء المحجبات إلى الشاطئ ووضع هذه الجملة بجانب جملة ممنوع دخول الكلاب والحيوانات الأليفة.

نرشح لك: غرق 11 شخصًا أثناء محاولتهم إنقاذ طفل بشاطئ النخيل بالإسكندرية


نشرت “فاروق” عبر حسابها الشخصي على موقع “إنستجرام” صورة لنص الشروط التي أقرها الشاطئ الخاص، وعلقت كاتبة: “واللي بيبعت الرسالة دى للناس اللي بتحجز في المكان ده وحاطط المحجبات مع الكلاب في جملة واحدة شايف إن دى شياكة يعني؟ إزاى شايف انه بيحافظ علي رقي المكان وهو غير راقي بالمرة في التعامل مع الناس، إنتو متنمرين وعنصريين يا جماعة وزيكم زي المتحرشين اللي بيبيحوا لنفسهم التحرش بالست عشان مش مغطية نفسها، على فكرة أنتو من نفس العينة اللي بتضايقها عشان لابسة ومغطية نفسها، بالنسبة لي الاتنين واحد”.

تابعت: “الستات مضايقينكم في كل الأحوال، مش لابسة الحجاب تتلككوا وتقولوا ما هي لو لابسة الحجاب محدش هيضايقها، تلبس الحجاب تتعاملوا معاها بالتعالي عليها ونبذها ورفضها ومنعها من دخول أماكن عامة عادية، شواطيء بلدها اللي بتفتحوها وبتدعوا ليها جوزها وأولادها وصاحباتها بس طالما هي اختارت إنها تلبس بكم وتحط حاجة علي دماغها يركبكم ميت عفريت وراسكم وألف صرمة قديمة ممنوع تدخل المكان زيها زي باقي مخاليق ربنا، ما تسيبوا الستات تلبس أو تقلع من غير ما تحشروا مناخيركم يا أخي في طريقة عيشيتها، عاوزة تدخل الشط مع جوزها وأصحابه بتمنعوها زي الكلاب؟ للدرجة دي طريقة اللبس عاملالكم كاللو في دماغكم للدرجة دي أنتو سطحيين وبتقيموا الناس بناس لابسة وناس قالعة”.

أردفت: “ربنا كرم الإنسان ورفع منزلته وأنتو بتهينوا ستات مصر المحترمات بتصنيفهم ووضعهم في نفس مرتبة الكلاب الممنوعين من دخول الشاطيء، ده كلام غير مقبول بالمرة وأنا أتقدم بشكوى رسمية لوزارة السياحة وأتقدم بنداء لوزير السياحة د. خالد العناني، ورئيس وزراء مصر دكتور مصطفي مدبولي، لمسنا رقيكم في التعامل مع كل أطياف الشعب المصري في كل الأزمات والمواقف ونثق أنكم لا يمكن أن تسمحوا بهذه التفرقة والعنصرية وهذه الإهانات لسيدات مصر المحجبات ووضعهن في خانة واحدة مع الكلاب والحيوانات الأليفة في واحد من شواطيء مصر في مدينة العلمين الجديدة، نحن نلتزم بتعليمات أي شاطيء وأي قرية سياحية ولكن أن تكتب وترسل هذه التعليمات عند الحجز بهذه الطريقة المهينة فنحن نعلم أنكم لن تقبلون لنا هذه الإهانة، أشكركم وأثق في تفهمكم”.

View this post on Instagram

واللي بيبعت الرسالة دى للناس اللي بتحجز في المكان ده و حاطط المحجبات مع الكلاب في جملة واحدة شايف ان دى شياكة يعني ؟؟؟ ازاى شايف انه بيحافظ علي رقي المكان وهو غير راقي بالمرة في التعامل مع الناس .. انتو متنمرين وعنصريين يا جماعة وزيكم زي المتحرشين اللي بيبيحوا لنفسهم التحرش بالست عشان مش مغطية نفسها .. علي فكرة انتو من نفس العينة اللي بتضايقها عشان لابسة ومغطية نفسها … بالنسبة لي الإتنين واحد… الستات مضايقينكم في كل الأحوال… مش لابسة الحجاب تتلككوا وتقولوا ما هي لو لابسة الحجاب محدش هيضايقها .. تلبس الحجاب تتعاملوا معاها بالتعالي عليها ونبذها ورفضها ومنعها من دخول اماكن عامة عادية … شواطيء بلدها اللي بتفتحوها وبتدعوا ليها جوزها واولادها وصاحباتها بس طالما هي اختارت انها تلبس بكم وتحط حاجة علي دماغها يركبكم ميت عفريت وراسكم والف صرمة قديمة ممنوع تدخل المكان زيها زى باقي مخاليق ربنا … 😡😡 ما تسيبوا الستات تلبس او تقلع من غير ما تحشروا مناخيركم يا اخي في طريقة عيشيتها… عاوزة تدخل الشط مع جوزها وأصحابه بتمنعوها زى الكلاب ؟؟؟؟ للدرجة دى طريقة اللبس عاملالكم كاللو في دماغكم للدرجة دى انتو سطحيين وبتقيموا الناس بناس لابسة وناس قالعة .. ربنا كرم الإنسان ورفع منزلته وانتو بتهينوا ستات مصر المحترمات بتصنيفهم ووضعهم في نفس مرتبة الكلاب الممنوعين من دخول الشاطيء … ده كلام غير مقبول بالمرة وانا اتقدم بشكوي رسمية لوزارة السياحة واتقدم بنداء لوزير السياحة د. خالد العناني ورئيس وزراء مصر دكتور مصطفي مدبولي .. لمسنا رقيكم في التعامل مع كل أطياف الشعب المصري في كل الأزمات والمواقف ونثق انكم لا يمكن ان تسمحوا بهذه التفرقة والعنصرية وهذه الاهانات لسيدات مصر المحجبات ووضعهن في خانة واحدة مع الكلاب والحيوانات الأليفة في واحد من شواطيء مصر في مدينة العلمين الجديدة … نحن نلتزم بتعليمات أي شاطيء وأي قرية سياحية ولكن أن تكتب وترسل هذه التعليمات عند الحجز بهذه الطريقة المهينة فنحن نعلم أنكم لن تقبلون لنا هذه الإهانة .. أشكركم وأثق في تفهمكم .. #دعاء_فاروق

A post shared by Doaa Farouk (@doaafarouk) on

الوسوم

كاتب

إعلام دوت كوم صوت الميديا العربية
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock