كلمات تتر البداية لمسلسل "البرنس"

حازت أغنية تتر البداية لمسلسل “البرنس” الذي يقوم ببطولته الفنان محمد رمضان، والذي يُعرض ضمن الموسم الرمضاني الحالي على إعجاب الكثيرون.

نرشح لك: كلمات تتر مسلسل “بـ 100 وش”

ولذلك نستعرض لكل محبيها كلمات الأغنية فيما يلي:

كل اللي تبقى أصيل أو طيب معاهم، فيهم تملي بتنخدع وتدوق أذاهم، معظم جراحنا بتيجي من اللي احنا اديناهم، ورمونا بعد ما وصلوا بعد ما عليناهم

اللي قولت حبايبي هما طلعوا كدبة وطلعوا غُمة، جرحوا فيا يا دنيا ثم باعوا قلبي كمان رخيص، اللي ياما اتمنوا ودي، فجأة قلبوا وصبحوا ضدي، عدي يلا يا دنيا عدي، اتخدعت في كام خسيس، كله لابس وش طيبة، والمعاملة بقت غريبة، واللي على نياتوا زيي اتأذى ودفع الضريبة.

كنت دايمًا أقول عنيا، حتى لو يوم جم عليا، كنت دايمًا أقول عنيا، حتى لو جم عليا، كنت برده بقول وماله العشم زايد شوية، أهلي دول واخوات ولمة، ولا دول تعابين وسامة، شوفت قسوة وغدر منهم، جرحوا فيا ما حد سمى، بس ناوي أخلص بحقي مش هحاصل أو أبقى حتى وقت الطيبة راح، ومن عذابي بيكم هنقي، ناس عايشين أسود، كدابين مطمرش فيهم، خدوني سكة للوصول، يلا عادي الله يجازيهم، كله لابس وش طيبة والمعاملة بقت غريبة واللي على نياتوا زيي اتأذى ودفع الضريبة.

يشار إلى أن أغنية تتر البداية بعنوان “العشم” وهي غناء أحمد سعد، كلمات عادل السيد، ألحان تامر كروان.

مسلسل “البرنس” من تأليف وإخراج محمد سامي، بطولة محمد رمضان، نور، أحمد زاهر، روجينا، نجلاء بدر، إدوارد، دنيا عبد العزيز، عبد العزيز مخيون، ريم سامي، سلوى عثمان، محمد علاء، صفاء الطوخي، محمد حاتم، رحاب الجمل، حازم ايهاب، أحمد داش، وإنتاج شركة سينرجي.