جابر القرموطي: البقاء لله في وزارة التعليم - E3lam.Com
هاجم الإعلامي جابر القرموطي، وزارة التربية والتعليم، بسبب صعوبة التواصل مع مشكلات الأسر المصرية وحلها، قائلًا: “محدش بيمشي مع الطلبة والأسر، ولما يجي حد يقول عايز أقابل الوزير، متقولوش روح للمسؤل، أقعد معاه، في اهتراء جوا الوزراة”.
وأضاف القرموطي في برنامجه “مانشيت”، المذاع عبر فضائية “ONTV”: “الدنيا بايظة جوا الوزارات، ورئيس الجمهورية عامل إيميل علشان المشكلات، طيب والوزارة فين، مبتعملش إيميل ليه، شكلها بايخ لما واحد يبعت إيميل للرئيس يقول أنا مش مبسوط أوعندي مشكلة مع وزراة مع الوزارات”.
وتابع: “البقاء لله في وزارة التعليم، أنا عايز وزارة أحس بوجودها، كل مدرسة بتمشي بمزاجها، وبيكلموا الوزير ومبيحلش، الناس منفوخة وبتتنفخ، الناس هتفرقع”.