عمرو سلامة عن باسم يوسف: كلنا عاجزون عن مساعدته - E3lam.Com
أعرب المخرج عمرو سلامة، عن عزائه للإعلامي الساخر باسم يوسف، بعد وفاة والده، وكتب “سلامة”، عبر صفحته الشخصية على موقع التواصل الإجتماعي “فيس بوك”، “عن واحد اسمه باسم يوسف، هو شخص شاف برنامجه الأكثر نجاحًا في التاريخ بيتوقف، شاف اتهام كل الناس ليه، حتى الناس اللي كانت بتسقفله ومبسوطة بتأثيره أيام ما كان تأثيره ده على هواهم”.
وأضاف المخرج “شاف إنه يخرج من بلده ويتغرب بسبب حكم كلنا عارفين أسبابه، شاف أمه بتموت وهو بيواجه أكبر حملة تشويه، شاف أبوه بيموت بعيد عنه وهو مش عارف يرجع يدفنه، هو شاف كل ده، في الوقت اللي كل اللي شفناه منه حلقات بسطتنا وضحكتنا وفشت غليلنا في الظلم اللي حولينا”.
وتابع “باسم ممكن يكون مش على الشاشة، مش في بلده، أحبابه بيتخطفوا منه بشكل قاسي، لكني متأكد إنه جوا قلوب كثير، على الأقل القلوب اللي متشوهتش ومخليتش الكره يملاها”.
واختتم عمرو سلامة: “قد نكون كلنا عاجزين عن إننا نساعده دلوقتي زي ما إحنا عاجزين نساعد مظاليم كثير، فيهم حتى اللي إتظلم أكثر منه بكثير، لكن وجودنا على أرض الدنيا مالوش أي معنى غير شوية السذاجة اللي جوانا اللي بتخلينا نصدق حتى ولو بنسبة ضئيلة أن هناك نهايات عادلة وسعيدة”.
اقـرأ أيضاً:
عزمي مجاهد لمنسق حركة “بداية”: أنتم شواذ و مخنثين
بالصور …ثلاثي الفرنجة يقابلون همام فى امستردام
في ثاني حلقات “إعلام ويك إند”.. إليسا تعلق على تعيين “الزند”
الشيف شربيني يوبخ مشاهدة بسبب البيض
أسباب غضب إليسا من دنيا سمير غانم
تابعونا عبر تويتر من هنا
تابعونا عبر الفيس بوك من هنا