شاهد: أصعب مشاهد "ليلة هنا وسرور"
كشف الفنان محمد إمام، عن أصعب مشاهد فيلم “ليلة هنا وسرور”، التي جمعته بالفنانة ياسمين صبري،وذلك عبر حسابه على موقع التواصل وتبادل الصور “إنستجرام”.
نشر “إمام” مقطع فيديو عبر حسابه، تظهر خلاله ياسمين صبري، تجري بـ “البيجامة”على كوبري قصر النيل، معلقًا عليه: “من أصعب المشاهد اللي صورتها‼️ أنا وياسمين صبري بنجري بالبيچامه والروب على كوبري قصر النيل يوم الخميس بليل”.
نرشح لك: موعد برنامج شريف مدكور الجديد على قناة “الحياة”
تابع: “اللي أول مرة تعرفوه، أن وإحنا بنجري ياسمين وقعت مني في وسط الكوبري وقعدت تعيط على الأرض لأن كان عندها أصلًا رباط صليبي والناس ابتدت تتلم علينا جامد، وأنا قاعد بهدي فيها وأسلم على الناس في نفس الوقت، لحد ما عربية الإنتاج جت بسرعه وركبناها فيها ومشيت”.
أضّاف: “وأنا من كتر اللهوجة نسيت أركب معاهم، و فجأة لقيت نفسي واقف لوحدي بالروب وحافي في وسط أمة لا إله إلا الله، وعاوزين كلهم يتصورا معايا أو اتصوروا خلاص، والدنيا اتقلبت وأنا مش لاقي ولا حد من التصوير، لحد ما لقيت واحد صاحبي معدي بالصدفة بعربيته ولحقني، وفي نفس الوقت طقم التصوير بيدوروا عليا ومش عارفين أنا فين، كان يوم صعب بس عدى على خير الحمدلله والمشهد طلع لطيف جدًا”.
فيلم “ليلة هنا وسرور” من بطولة محمد إمام، ياسمين صبري، فاروق الفيشاوي، محمد سلام، محمد عبد الرحمن، طاهر أبو ليلة، محمد ثروت، مصطفى خاطر، تأليف محمد عز الدين وكريم يوسف، إخراج كريم الميهي.