اسم مصر وصورة محمد صلاح على "شبشب" !

وجهت الإعلامية أسماء مصطفى بلاغًا للمسؤولين والجهات المعنية عن الاستيراد من الخارج، بسبب وجود منتج مهين لمصر وللاعب محمد صلاح تم استيراده ويُباع داخل الأسواق المصرية بدون أي رقابة.

أوضحت “مصطفى” خلال حلقة اليوم الثلاثاء، من برنامج “هذا الصباح” عبر فضائية “Extra News”، أن المتاجرة بأي شيء عليه اسم بلدنا ونجومها وأبطالها أصبح شيئًا مستفزًا للغاية، لافتةً إلى أن هناك منتج شعبي جدًا “شبشب” مستورد من الصين، مرسوم عليه صورة صلاح ومكتوب عليه اسم مصر أيضًا باللغة الإنجليزية.

نرشح لك – أمينة: شاركت في مقلب رامز جلال عشان “السبوبة”

تابعت قائلةً: “ايه ده؟! هل إحنا ممكن نقبل إن أولادنا اللي بيشرفونا في كل مكان يتعمل فيهم كده.. أولاً دي إهانة كبيرة لا أقبلها ولا أنا ولا أي مصري بيغير على بلده.. دي مش تفاهة.. إنت مش ممكن تقبل إن علم بلدك على الأرض أو حد يخطي على اسمها حتى”.

شددت “أسماء” على ضرورة وجود رقابة على المنتجات المستوردة قائلةً: “مش كل حاجة بنستوردها تبقا عادي وجميلة لازم يبقا في رقابة على الاستيراد وناخد بالنا من الحاجات الصغيرة دي اللي البعض ممكن يشوفها إنها تافهه لكنها مش كده”، مؤكدةً أن هذه الواقعة إهانة وجريمة في حق محمد صلاح وكذلك في حق مصر، ولا بد من استنكارها، وتدخل الوزارات المعنية لمنع مثل هذه الأمر.

أوضحت مقدمة برنامج “هذا الصباح” أنها علمت أن هذا المنتج يباع في الأسواق الشعبية بأسعار رخيصة جدًا، سواء في الموسكي أوالعتبة وبعض المناطق الأخرى، لافتةً إلى أن الأمر له دلالات كثيرة لا بد أن يكون الرد عليها قاسيًا، مضيفةً: “هيقولك الاعلام ساب كل حاجة ومسك في ده لا مبنسيبش حاجة لا ده ولا غيره، مفيش مواطن يقبل إن اسم مصر يتكتب بالطريقة دي وبشكل غير لائق، لازم تحرك سريع لضبط السلع الاستفزازية دي ونوصل للمستورد، ويكون في تنبيهات على المستوردين”.