عمر طاهر يكتب: 10 استخدامات لـ محمد صلاح
1- مناظرات الملحدين و المؤمنين كدليل على وجود الله و معجزاته.
2- التأكيد على اهمية الرجوع دايما ل فكرة “العيب فى النظام يا بهايم”.
3- كاستهلال لعد ممتلكات مصر .. محمد صلاح و3 أهرامات و 120 معبد و 4 نوبل و 7 أمم أفريقيا و انتصار أكتوبر.
4- مذاكرة السر فى إن المفتاح دايما برة العاصمة (أم كلثوم الدقهلية) ( أمل دنقل قنا) (زويل كفر الشيخ) إلخ
5- برهان فى نظرية (الموهبة مش كل حاجة)، وإن الشقا أهم .. الشقا بيزهزه موهبة متوسطة .. لكن موهبة عظيمة بتدبل من غير شقا.
نرشح لك: ياسر أيوب يكتب: محمد صلاح.. هل نحن جائزته أم هو جائزتنا؟
6- برهان فى إثبات نظرية ( المحبة تستر)، صرفية المحبة بتشفط أى ديفوهات فنية فى الكتلة.
7- كتب و محاضرات التنمية الذاتية كعنوان رئيسى، كيف تصبح محمد صلاح فى 10 ايام، كيف تتخلص من كل مالا يجعلك محمد صلاح فى 20 خطوة، كيف توقظ محمد صلاح الموجود بداخلك فى أسبوع ..إلخ.
8- مذاكرة فكرة إن البنى آدم نص الموضوع .. نظرتك كبنى آدم لتجربتك و أحلامك بتسندك .
9- اختبارات كشف الشخصية .. إجابات الشخص عن أى سؤال عن محمد صلاح ممكن يكشف مشاكلك الشخصية و عيوبك و طريقة تفكيرك.
10- تمارين الامل.