أكرم حسني: الغيرة الزائدة "خراب بيوت"
قال الإعلامي أكرم حسني إن الغيرة الزائدة تسبب في حالات طلاق بين الرجل والمرأة، مضيفًا: «في بيوت بتخرب لمجرد أن الست تقول لجوزها أنت أزاي تكلم دي وتسلم على دي».
وتساءل «حسني»، خلال برنامجه «للرجال فقط» على إذاعة «نجوم إف إم»، مساء اليوم الثلاثاء: «ليه يا ستات بتغيروا بشكل قاتل وتسببوا في خراب بيوتكم؟»، مضيفًا: «لازم الست تكون واثقة في نفسها».
وأكد «حسني» أن برنامجه ضد غيرة المرأة، مضيفًا: «مينفعش الست تخرب بيتها وتنكد على جوزها لأسباب ملهاش لازمة».
من جانبه قال الإعلامي كريم الحميدي، المتواجد في لندن، خلال مداخلة هاتفية، إنه لا يوجد غيرة بين الزوجين في إنجلترا، لأن هناك ثقة فيما بينهم، مشيرًا إلى أنه «في إنجلترا مفيش واحدة بتسأل جوزها أنت فين ورايح فين».
وأضاف «الحميدي»، أن «الراجل الإنجليزي مرتاح من كل المشاكل اللي بتحصل في مصر، وميعرفش يعني أية مراته تنكد عليه وتقرف عشته، والمرأة هنا دماغها كبيرة، ولو كل واحد مش طايق التاني الباب بيفوت جمل».