هاني فرحات: أنغام كانت بتتحارب من الموسيقيين اللي بيشتغلوا معاها
أشاد المايسترو هاني فرحات بالفنانة أنغام، مؤكدًا أنها واحدة من أهم الأصوات الغنائية في مصر والوطن العربي، وأنها تستحق المكانة التي وصلت إليها بفضل موهبتها واجتهادها.
قال "فرحات" خلال لقائه ببرنامج "ET بالعربي": "أنغام هي صوت مصر وتستحق، وزي ما مصر عندها أنغام، عندها كمان شيرين ومي فاروق، واللي إحنا فيه نعمة كبيرة".
أضاف: "مزيكا أنغام حتة من روحي وقلبي، أنا مشارك في كل أغانيها، وربنا يديمها علينا نعمة.. هي مبتعملش حفلة موسيقية، هي بتعمل مسرح".
كما كشف أن أنغام تعرضت في بداياتها لمحاربة من بعض الموسيقيين الذين عملوا معها، موضحًا أن السبب يرجع إلى امتلاكها خلفية موسيقية وثقافية مختلفة، وإلمامها بتفاصيل العمل الموسيقي.
أوضح: "هي في قمتها من زمان، أنغام كانت بتتحارب من الموسيقيين اللي بيشتغلوا معاها لأنها كانت جاية من خلفية موسيقية وثقافية مختلفة عنهم وفاهمة في كل حاجة وفضلت حارب وتجاهد عشان جمهورها".