أبرزها دخول نجله عالم الغناء.. 9 تصريحات لـ مدحت صالح

أدلى الفنان مدحت صالح، بعدة تصريحات خاصة لبرنامج من "إمبارح للنهاردة" الذي تقدمه الإعلامية همسة إمام، عبر أثير إذاعة ميجا إف إم. 

وجاءت أبرز تصريحات "صالح" كالآتي: 

1- دويتو "ناقصك إيه" مع ابني أدهم كان فكرته، وهو اللي سمعني اللحن وعجبني ووافقت عليه، وأنا بحب أعمل اللي يسعده واتبسطت جدا بنجاح الأغنية. 

2- أكتر حاجة بتعجبني في أدهم إنه شخص مش متسرع. 

3- أولاد الفنانين بيكونوا مضغوطين وقلقانين في أي تجربة أو محاولة، وأهم بيحاول يقدم كل جديد على مهله عشان يعجب الجمهور. 

4- اتبسطت جدا من حب الناس لصوت أدهم بشكل منفصل عني، ورد فعل الناس كان جميل وأنا فرحان بإصراره. 

5- أنا مش من الناس اللي بتعيش على منطق الحظ في حياتهم، ولازم المطرب يبذل مجهود في حياته ويسمع مزيكا ومحتوى كتير عشان يقدر يقدم شئ ناجح ومختلف. 

6- اللي بيتعب وبيسعى هيلاقي الحظ وقف جنبه. 

7- بعتبر نفسي دايما ضيف على التمثيل، ومش بحب المقارنات، وإحنا بنشتغل عشان نسعد الناس. 

8- بعوض في أدهم كل الحاجات اللي ما عملتهاش مع نفسي، ومتأكد إن دراسته هتفيده جدا. 

9- بهتم جدا برأي ابني أدهم في شغلي، وحتى لو فيه انتقاد بقبله.