تامر أمين: اللي مالوش في الكلاب ماينفعش يقول اعدموهم
تحدث الإعلامي تامر أمين عن تباين التعامل مع الحيوانات بين مصر ودول أخرى، حيث تُربى الحيوانات الأليفة داخل المنازل وتُودع البقية في ملاجئ مخصصة، بينما تشهد الشوارع المصرية انتشارًا واسعًا للكلاب والقطط الضالة.
قال "أمين" خلال برنامجه "آخر النهار" المذاع على شاشة "النهار"،: "فيه كتير من الدول متلاقيش فيها حيوانات في الشارع واسمها "pets" يعني حيوانات أليفة ومكانها بيكون في البيوت، واللي بره منها بيكون في شلاتر أو مزارع".
أضاف: "لكن إحنا الوضع مختلف، بعض البيوت فيها حيوانات أليفة لكن الشارع مليان كلاب وقطط ضالة، والمشكلة الأكبر في الكلاب لأن بعضها بيتحول لخطر وبيأذي الناس".
تساءل: " ليه أي رأي بيتحول لخناقة وتبادل اتهامات على السوشيال ميديا؟
اللي مالهوش في الكلاب ماينفعش يقول اعدموهم، بس لازم برضو أرواح البني آدمين تكون أولوية ونحافظ عليها".
أوضح: "أول مرة الحكومة تتكلم في موضوع الكلاب الضالة، الكلام طول الوقت كان بين باحثين أو محبين أو كارهين للحيوانات على السوشيال ميديا، طبعا التدخل ده هيتبعه آليات للحد من الكلاب الضالة في الشوارع".