مديحة حمدي تعلن تعرضها لوعكة صحية
أعلنت الفنانة والمنتجة مديحة حمدي عن تعرضها لوعكة صحية ناتجة عن دور إنفلونزا، كما تحدثت باكية عن المواقف التي جمعتها بالفنان الراحل عبد الرحمن أبو زهرة.
قالت "حمدي" خلال مداخلتها الهاتفية عبر برنامج "الستات" المذاع على شاشة "النهار" وتقدمه الإعلاميتان سهير جودة ومفيدة شيحة: "عندي وعكة صحية، بسبب دور الإنفلونزا المنتشر الأيام دي، والحنجرة مش طبيعية ف مأثرة على الصوت".
كما تحدثت عن الراحل عبد الرحمن أبو زهرة قائلة: "الأستاذ عبد الرحمن أبو زهرة كانت تجمعني بيه مش بس زمالة، لأنه أستاذي وكان بيعلمنا التمثيل الصامت في الجامعة".
أشارت: "ماكنش فيه فرق سن فظيع بينا، كان صغير، لكن كان بيتعامل معانا بمنتهى الذوق والاحترام وهو فنان مشهور وعمرنا ما سمعنا عنه حاجة وحشة".
أوضحت: "كنت بتفق مع المخرج المنفذ على في أي عمل، وكنت بحضر له ظرف الفلوس بتاعه قبل أي زميل عشان كنت حاسه بيه وبقول يمكن محتاج الفلوس".
استكملت: " في مرة كنت محتاجة فلوس وهو ذكي وسمع، قال لي: مديحة، أنا أخوكي، وأنتي عندك إلتزامات، أجلي دفعة الفلوس بتاعتي وخديها، والله ما محتاجها دلوقتي".
أختتمت: "عمره ما عمل خلاف في شغله، ولا جه متأخر، وعمره ما كان يطلب طلبات خاصة.. كان بيشوف إن ده أوفر على الميزانية.. أنا حزينة، نسألكم الدعاء له".