بعد تصريحاته عن بيزيرا.. ميدو يعتذر لـ حسن شحاتة

علق أحمد حسام ميدو على الجدل المثار حول تصريحات الكابتن حسن شحاتة، حول بيزيرا لاعب الزمالك، مؤكدًا أن حديثه جاء في إطار دعم نادي الزمالك والجهاز الفني واللاعبين، وليس التقليل من أي طرف.

قال ميدو عبر حسابه على موقع التدوينات القصيرة "إكس": "كابتن حسن، كل كلامه دعم للزمالك، وحلقاته كلها امتنان للنادي ودعم للكابتن معتمد جمال ولكل اللاعبين.. وقال إن بيزيرا لاعب كويس، وكان عنده تعليق صغير عليه ولم يقصد أبدًا التقليل منه، لكن ناس كتير على السوشيال ميديا علّقوا له المشانق بدل ما يركزوا على كل الكلام الجميل اللي طالع من القلب عن حبه وعشقه للزمالك".

كما قدم ميدو اعتذارًا لحسن شحاتة عن أي إساءة أو تطاول تعرض له، قائلا: "للأسف، ناس كتير ما بقاش عندها رحمة ولا تقدير حتى للسن، وأنا والله لو أعرف إن حالتنا بقت كده، كنت شيلت الكلمتين دول من الحلقة.. أنا بعتذر لك يا كابتن حسن عن أي تطاول حصل عليك، وربنا يهدي الجميع.. الأسطورة حسن شحاتة".

كان حسن شحاتة قد قال في برنامج "أوضة اللبس" الذي يقدمه أحمد حسام ميدو: "بيزيرا بيضحك علينا، لأن عمري ما شُفت لاعب بيعيط.. هو لاعب كويس، بس مش محتاج تعيط عشان تجذب الجماهير ليك".

حسن شحاته أحمد حسام ميدو برنامج اوضة اللبس