في عيد ميلادها.. شاهد: أحمد سعد يهدي ابنته علياء أغنية جديدة
طرح الفنان أحمد سعد أغنية جديدة خصيصا لابنته علياء في عيد ميلادها
الأغنية من كلمات هاني حسن
وجاءت كلمات الأغنية على النحو الآتي:
بتتنطط قصاد عيني
بتخلع قلبي من الفرحة
وبضحك لما بتهته
وهي بتقرالي الفاتحة
أنا أصبحت مجنونها
وبدعي ربنا يصونها
جمال الدنيا في عيونها
بنظرة بريئة ومسامحة
بموت من شعرها الكيرلي
وملامحها اللي منحوته
وبفرح لما تشاورلي
بصوابعها الصغنطوطة
بتفرح لما بتشوفني
دلعها لذيذ بيخطفني
يا رب العمر يسعفني
لحد ما أشوفها بالطرحة
الاسم لولا والدلع عليا
أمي وأختي وبنتي وحبيبتي
يا هدية ليا من الزمان غالية
أجمل شعور في الدنيا هو أنتي
كان أحمد سعد قد احتفل بعيد ميلاد ابنته علياء منذ ساعات عبر "فيس بوك"، معلقا: "صغيرة بس حضنها أكبر من أي حضن، وبتبقي كبيرة لما بكون تعبان، وأمي لما تستناني لحد ما أرجع من الشغل، وأختي لما تديني حتة من اللي بتأكله، وبنتي الصغيرة لما تكون عاوزة لعبة.. بنتي الحبيبة لولا، أتمني لنفسي تفضلي سنك كده طول الحياة، وأتمنى لك تكوني أكبر وأعظم من أي حاجة في الحياة.. كل سنة وأنتي طيبة يا روح قلب أبوكي".