عارفة عبد الرسول: أنتظر تحويل قصة حياتي لعمل فني
قالت الفنانة عارفة عبد الرسول إن قصة حياتها كتبها زوجها المخرج المسرحي الراحل مصطفى درويش والمؤلف والمخرج هاني فوزي، وتحولت إلى سيناريو، وتنتظر تنفيذها مع إحدى الشركات المنتجة خلال الفترة المقبلة.
أوضحت "عبد الرسول" في حوارها مع إنجي علي عبر "نجوم إف إم": "قصتي اتكتبت سيناريو على إيد الأستاذ هاني فوزي، وجوزي الله يرحمه مصطفى درويش.. والسيناريو ده موجود دلوقت عندي هاني فوزي".
نرشح لك: أول رد من ليلى الفاروق طليقة أمير عيد بعد أزمة عزاء والدها
أضافت: "بقالنا 10 سنين كاتبين القصة دي.. بس أستاذ هاني فوزي مصمم أن هو اللي يخرجها وكان ممضينا على إقرار بكده، وكان في شركات إنتاج كتير عاوزة تشتريه، بس يجيبوا هما المخرج".
وعن أسرتها، قالت عارفة عبد الرسول: "أبويا كان بيقلد فريد الأطرش وأنور وجدي وجاب عود، بس جدي كان نائب شيخ طريقة إسلامية (السادة العزامية) في الإسكندرية، وكسر العود على دماغ أبويا".
أشارت: "وكان أبويا الوحيد في أخواته اللي بقال، لأنه عاوز يلعب وأمه ماتت وهو صغير، فجدي ساب له محل العطارة، رغم أن باقي أعمامي أساتذة جامعة ودكتوراه".
في سياق متصل، قالت عارفة عبد الرسول: "أنا جِبلة وما بتخضش، ودي طبيعتي طول عمري.. كنت بتضرب جامد (ضرب مبرح) وأنا صغيرة من أبويا طول الوقت، أتكتف وأتضرب بالخرزانة، فعشان أعيش كنت أحكي لأخواتي أبويا شكله إيه وهو بيضربني؛ فأنا اتعودت أتريق على الضرب، وأسخر من أحزاني".