البطل الحقيقي لـ "حكاية نرجس": عملت 54 DNA وموصلتش لأهلي
كشف "إسلام" البطل الحقيقي لمسلسل "حكاية نرجس" للفنانة ريهام عبد الغفور والذي يتم عرضه حاليًا ضمن دراما رمضان 2026، عن إجرائه لـ 54 تحليل DNA مع 54 أسرة مختلفة أملًا في الوصول إلى عائلته الحقيقية.
قال "إسلام" خلال لقائه مع برنامج "صباح العربية": "أنا لحد النهاردة أبحث عن أهلي وأبحث عن عائلتي.. أنا عملت 54 تحليل DNA مع 54 عائلة أو 54 أسرة كلهم أولادهم مخطوفة من عمري".
تابع: "ممكن تاريخ الميلاد يفرق شهور أو سنة لأن أنا معرفش تاريخ ميلادي الحقيقي، ولكن كل التحاليل اللي اتعملت طلعت سلبية، ما فيش أي تحليل طلع إيجابي لحد دلوقتي. وأرجو من المجتمع إن مفيش حد يصدق إن أنا وصلت لأهلي لأن ده كلام مش صحيح بالمرة يعني.. أنا لسه ما وصلتش لأي حاجة لحد دلوقتي".
أشار: "أنا معنديش بطاقة بطاقة هوية، أنا من 2017 الأسرة اللي استلمتني على اسم إن هم أهلي لغوا القيد بتاعي من على اسمهم في 2017 لما عملت معاهم DNA واكتشفت إن هم مش أهلي الحقيقيين.. فعندي مشاكل في الهوية وحاولت أطلع هوية لنفسي معرفتش".
مسلسل "حكاية نرجس" بطولة ريهام عبد الغفور وحمزة العيلي وتامر نبيل وبسنت أبو باشا وأحمد عزمي، من تأليف عمار صبري وإخراج سامح علاء.