رسالة البطل الحقيقي لـ "حكاية نرجس" إلى المجتمع

وجه "إسلام" البطل الحقيقي لمسلسل "حكاية نرجس" للفنانة ريهام عبد الغفور والذي يتم عرضه حاليًا في دراما رمضان 2026، رسالة للمجتمع بناءً على ما مر به بعد أن تم اختطافه من عائلته وهو طفل، وعدم تمكنه من العثور عليهم حتى الآن.

قال "إسلام" خلال لقائه مع برنامج "صباح العربية": "ياريت المجتمع ما يتعاطفش مع أي إنسانة بتخطف أطفال لمجرد إن هي بتتعاير عشان هي ما بتخلفش لأن ده مش مبرر".

تابع: "أنا في عز محنتي وفي عز فقري وإن أنا بصرف فلوسي كلها على التحاليل ده ما يدينيش مبرر إن أنا أطلع حرامي، يعني أنا ما ينفعش عشان الظروف اللي أنا فيها دي أطلع أسرق في الناس والناس تتعاطف معايا.. فهي الست دي مهما كانت برضه هي كانت مجرمة، غير إن هي باعت 22 طفل حديث الولادة، كانت بتبيع الطفل بـ 5000 جنيه والكلام ده كان سنة 1983 ومثبوت في التحقيقات في شمال سيناء".

تابع: "الست دي مجرمة يا جدعان هي لها من الله ما تستحق، هي في دار الحق واحنا في دار الباطل، ولكن ما ينفعش إن المجتمع يتعاطف معاها زي ما هو متعاطف مع نرجس في المسلسل".

أشار: "كل الناس متعاطفة مع نرجس.. كل الناس أصلًا بدأت تتعاطف مع عزيزة وبتتهمني أنا ويقولوا لي هي اللي ربتك، هي اللي حنت عليك، أنت ازاي قاسي عليها؟ طب ما أنا أمي وأبويا كان هيربوني، أنا كنت فعلًا هلتمس لها العذر لو هي لقياني في الشارع أو قدام باب جامع، إنما أنتي تاخديني من حضن أمي ومن حضن أهلي وتقولي إن أنا هبقى حنينة عليك؟ طب ما أنا أبويا وأمي كانوا هيبقوا حنين".

مسلسل "حكاية نرجس" بطولة ريهام عبد الغفور وحمزة العيلي وتامر نبيل وبسنت أبو باشا وأحمد عزمي، من تأليف عمار صبري وإخراج سامح علاء.