عمرو وهبة ينتقد الدعاء بصوت عالي في صلاة الجماعة
شارك الفنان عمرو وهبة الجمهور، بمقطع فيديو انتقد من خلال قيام البعض بالدعاء بصوت عالي أو الهمس بشكل مشتت ومزعج أثناء صلاة الجماعة.
نشر "وهبة" الفيديو عبر حسابه على موقع "إنستجرام" وقال فيه الآتي: "مبحبش أطلع أنظر أو اتفلسف على الناس بالذات لو حاجة لها علاقة بالدين، بس الموضوع بقى أذى شخصي".
تابع: "أنا مقدر إن احنا عندنا شوية مشاكل في سلوكنا أو في الصلاة في الجامع عادي كلنا بنغلط مش هتكلم فيها كلها ولا هتكلم عن اللي بيدخل يحط جزمته فوق جزمتي أنا تحديدا وأقعد أنضفها.. وأنا مقدر إن احنا ملناش إلا ربنا.. لازم ندعي ربنا ونبتهل ونحقق أحلامنا كلها عن طريق الدعاء.. بس أرجوكم يا جماعة لما يكون حد ساجد جنبك أو راكع بلاش وس وس وس وس".
أضاف: "ده صعب في الحياة وأكتر في الصلاة.. الأصل في الدعاء إن محدش يسمعه غيرك.".