تعليق أشرف زكي على أزمة الأعلى مشاهدة في رمضان 2026
علق الفنان أشرف زكي، نقيب المهن التمثيلية على جدل الأعلى مشاهدة في دراما رمضان 2026، وذلك بعد الأزمة التي حدثت بين بعض الفنانين.
قال "زكي" خلال لقائه مع "ET بالعربي": "أنا شايف إن في ظاهرة صحية إن كل الناس غيورة على أعمالها وشايفين إنهم محققين نجاحات وهما فعلًا محققين نجاحات".
أردف: "احنا عاملين موسم رمضاني كويس ومفيش حد وحش، كلنا كنا متميزين والمائدة عليها أصناف كتير والجمهور بيروح للصنف اللي هو عايزه، ودي منافسة طبيعية".
تابع: "خلينا ناخد من اللي حصل الجزء الكويس ونستبعد الجزء اللي مش كويس ونعالج ده بعد رمضان.. وكل واحد حر يتكلم على نفسه، أنا مقدرش أقول لحد متتكلمش على نفسك".
أشار: "لازم نحترم جهد كل الناس، في ناس بهدوء شديد عملت أعمال حتى لو مش في التسابق الكبير لكن برضه محترمة وأعمال جيدة جدًا".
أضاف: "أنا ناشدت الفنانين بإننا نهدى شوية عشان منبقاش مادة خصبة لبعض المواقع اللي بتستغل ده".