كلمات أغنية "جدر قلبي" لـ رحمة محسن
طرحت الفنانة رحمة محسن أغنية جديدة بعنوان "جدر قلبي"، من مسلسل "علي كلاي"، عبر قناتها على يوتيوب.
كلمات كوثر حجازى، ألحان خالد سلطان، توزيع إسلام ساسو، ميكس وماستر ماهر صلاح.
وجاءت كلمات الأغنية كالتالي:
ياه ع الوجع - جنن جدع
يا جِدر قلبي اللي اتخلع
ياه ع الوجع - راح الجدع
ولا يتوجع بعدك وجع
اصل ده مكانش اتفاقنا
بالوجع ده يكون فراقنا
يرضي مين ده يبقي حالنا
وحلمنا بيتهد فوقنا
بعد ما عافرنا وعاندنا
بعد ما حلفنا ووعدنا
بتسيبيني لوحدي تايه
هان عليكي خلاص بعادنا
غصب عني مش مجمع
حتي مش قادر ادمع
والدموع جوايا تنزف
والنزيف ف القلب سمع
غصب عني مش بخاطري
ليه يا دنيا كسرتي خاطري
ليه يا دنيا بتقفليها
عننا لسه بدري
ياه ع الوجــع
يادنيا وحالفه علي قهري
يا سهم وجه قطم ضهري
راهنتي يا دنيا علي كسري
كسبتي وخدتي فيها عمري
يا اصعب مُر انا عيشه
مفيش اصلاً وجع بعده
سنين كاملين تعب وعذاب
وايام حلوه يتعدوا
غصب عني مش مجمع
حتي مش قادر ادمع
والدموع جوايا تنزف
والنزيف ف القلب سمع
غصب عني مش بخاطري
ليه يا دنيا كسرتي خطري
ليه يا دنيا بتقفليها
عننا لسه بدري