أبرزها عن أحمد أمين وتامر حسني.. 8 تصريحات لـ ميشيل ميلاد عن مسلسل "النص التاني"
أدلى الفنان ميشيل ميلاد، بعدة تصريحات لبرنامج "رمضان ويانا" الذي تقدمه المذيعة هدير أبو زيد علي نغم إف إم، عن دوره في مسلسل "النص التاني" الذي يعرض خلال موسم رمضان الحالي.
وجاءت تصريحاته كالآتي:
1ـ الشغل مع أحمد أمين حاجة عظيمة جدا، والورق مختلف ومكتوب حلو أوي تحت قيادة مخرج صاحب رؤية زي حسام علي.
2ـ ذاكرنا العصر اللي بنقدمه كويس، واتفرجت على أفلام نجيب الريحاني وعلي الكسار عشان أخد طريقة الكلام الحقيقية بتاعت الزمن ده.
3ـ معظم الإفيهات في المسلسل بتكون مكتوبة، لكن الطبيعي في أي عمل كوميدي بيكون في مساحة خاصة للإرتجال.
4ـ أحمد أمين هو راجل صاحب مشروع، مش بيهتم بنفسه بس لكن بالمشروع كله.
5ـ فريق العمل كله يفرح وبقولهم دايما إننا محتاجين نتجمع طول الوقت حتي لو مفيش مسلسل.
6ـ كان عندي تخوف من فكرة تقديم جزء ثاني من "النص"، وإنه يكون في استهلاك لنجاح الجزء الأول، لكن مؤلفين المسلسل نجحوا جدا في إنهم يتجنبوا ده وقدموا أبعاد أكتر للشخصيات.
7ـ تامر حسني لسه باعتلي يباركلي علي نجاح المسلسل، وأنا بحبه جدا وهو فنان وإنسان كبير.
8ـ مشهد مستشفي المجانين بتاع الحريقة رعبني لما قريته، لأنه فيه كوميديا وتراجيديا ورومانسية، وبالنسبة لي ده master scene.