مي كساب: "ن النسوة" مش قصة حياة هدير عبد الرازق!
تحدثت الفنانة مي كساب عن شخصية "شريفة" التي تقدمها خلال مسلسلها الجديد "ن النسوة" والذي يتم عرضه حاليًا في النصف الثاني من رمضان 2026، مشيرة إلى أنه لا يتناول قصة حياة البلوجر هدير عبد الرازق بأي شكل من الأشكال.
قالت "كساب" خلال لقائها مع "ET بالعربي": "شريفة شخصية بعيدة كل البعد عن مبادئي وحياتي وشخصيتي وعن كل الأنماط اللي ممكن أكون قابلتها في حياتي، فكانت هي دي الصعوبة، إني بعمل شخصية مفيهاش أي حاجة مني".
أردفت: "كان دايمًا أستاذ إبراهيم فخر المخرج عنده تحدي كده معايا إني إزاي هصدقها، فده أخد مني مجهود رهيب، يعني في مشاهد بعد ما كنت بمثلها كنت بطلع أنهج وأقول لا لا دي صعبة اوي دي غريبة".
أكملت: "هي لبيسة لفنانة كبيرة اللي هي الفنانة سيمون، وطول عمرها هدفها إنها تتشهر، الظروف بتتخبط بيها طول الوقت، وعايزة أقول للجمهور إننا مش بنعمل قصة هدير عبد الرازق.. مشكلة الفيديو دي ورطة بتتورط فيها وزي كوبري للحياة اللي هتحصل".
أشارت: "احنا دراما اجتماعية شعبية هدفنا الأساسي إننا نقول إزاي توصل للرضا، وإن البني آدم الراضي حياته هتكون عاملة إزاي، والطماع حياته عاملة إزاي.. وأنا من الناس اللي بيحبوا دايمًا كوميديا الموقف، وبحب الكوميديا تطلع من الشخصية لو ده ينفع".
أضافت: "كان نفسي في التتر نجيب حد يغني، وبعدين اتفقت مع عزيز الشافعي إن اللحن هينادي صاحبه، فلقينا اللحن ناداني جدًا، كلماته فظيعة".
مسلسل "ن النسوة" مكون من 15 حلقة، وهو من تأليف محمد الحناوي، وسيناريو وحوار أحمد صفوت، وإخراج إبراهيم فخر، وإنتاج مها سليم.
العمل من بطولة مي كساب، رانيا فريد شوقي، هبة مجدي، أحمد فهيم، محمود الليثي، ندى موسى، سيمون، أحمد الرافعي، محمد جمعة، جوري بكر، سامي مغاوري، ولبنى ونس.