سلوى محمد علي: الفن لا يخترع.. نحن ننقل الواقع

قالت الفنانة سلوى محمد علي إن الفن ينقل الواقع والأحداث التي تجري في المجتمع وقصص البشر وليس العكس كما يشير البعض.

أوضحت "علي" خلال حوارها مع يمنى البدراوي في حلقة مساء الاثنين من برنامج "بين السطور" المذاع عبر شاشة "Ten": " إحنا بناخد شغلنا من الناس والشارع، مش العكس.. وبيتكلموا دلوقت عن حد لبسوه بدلة رقص في الشارع، واتقال أصلا ده من مشهد في مسلسل!!".

أضافت: "في الخناقات بيتقال (إحنا لبسناهم طرح).. فعلا كان زمان بيلبسوا المهزوم في خناقة طرح.. أو يقولوا له: (قول أنا ست)".

أكدت: "يعني محدش ألف حاجة والفن مخترعش.. دي حاجات موجود والفن نقلها عشان يقول أنها موجودة".

وعن ارتدائها ملابس وشنط من علامات تجارية شهيرة، قالت سلوى محمد علي: " عمر ما شغلني البرندات واللبس السينيه.. وبعرف أني واثقة في نفسي من كده.. المبالغ اللي بتدفع في (السينيهات والبرندات) حرام".

تابعت: "ربنا هيحاسبنا.. أنا شنطي كلها مصرية.. في ناس مضطرة وشغلتها كده، بس أنا الحمد لله مش مضطرة".