أحمد رمزي يرد على الانتقادات الموجهة لـ"فخر الدلتا"
رد الفنان أحمد رمزي على الانتقادات التي وجّهها الناقد الفني طارق الشناوي لمسلسل "فخر الدلتا"، مؤكدًا احترامه الكامل لرأيه.
قال رمزي خلال لقاء مع "ET بالعربي": "رأي يُحترم طبعًا، أستاذ كبير، وإن شاء الله ناخد بالنا في العمل الجاي ويبقى أحسن وأحسن، لكن اللي حاسس بيه بجد إن العمل اللي جاي هيكون أفضل".
كما تحدث عن تجربته في المسلسل: "أنا بجد أول مرة أسوق عربية، وعايزيني أجري على الطريق وسط ناس بتسوق بقالها عشرين سنة.. أنا نازل وسط منافسة نجوم كبار، وأنا تقريبًا أول حد، أنا والكاست اللي معايا والمخرج كمان جديدين، وكل حاجة في التجربة جديدة، وده مش موجود في أي مسلسل في رمضان".
نرشح لك: تتر مسلسل "النص التاني".. كلمات أغنية "نص عايش" لـ حمزة نمرة
تابع: "هي تجربة محترمة ونستحق إننا نسقفلها، وطبيعي يكون فيها أخطاء.. الصعب في التجربة كان إزاي أحضّر للشخصية من غير افتعال، لأنها شخصية طبيعية جدًا، وده بيحتاج مجهود كبير عشان الناس تحس إن الشخص ده حقيقي. والقريب بيني وبين الشخصية إني شخص مكافح وبحب أنجح".
جدير بالذكر، مسلسل "فخر الدلتا" بطولة أحمد رمزي وكمال أبو رية وانتصار وحنان سليمان وأحمد صيام ونبيل عيسى وخالد زكي، وأحمد عصام السيد وتارا عبود وعلي السبع وأحمد هشام ووليد عبد الغني وسارة علاء ولينا إيهاب وفرح عزت، قصة عبد الرحمن جاويش، ومن إخراج هادي بسيوني.