بسبب دراستها للطب.. تارا عبود: بسافر الأردن كل أسبوع!
كشفت الفنانة الأردنية تارا عبود عن تفاصيل سفرها للأردن أسبوعيًا بسبب دراستها للطب، موضحة إنها كانت تقوم بتصوير مشاهدها خلال العطلة الأسبوعية فقط حتى لا تفوت محاضراتها بالجامعة.
قالت "عبود" خلال لقائها مع "ET" بالعربي": "بسافر الأردن كل أسبوع عشان الجامعة، وبرجع هنا خميس وجمعة وسبت، فكل ده صورته في إجازة نهاية الأسبوع".
تابعت: "أوقات كان بيبقى عندي عطلة بين الفصلين، وبنشكر الله إنه الموضوع ظبط، أوقات كانت حاجات بتظبط بالحظ، كان مرة عندي تصوير أسبوع وكانت هتحصل معايا مشكلة كبيرة في الجامعة لو حصل التصوير ده، وفي آخر لحظة اتلغى من ربنا، فحسيت إن ربنا معانا".
أضافت أنها سعيدة بردود فعل الجمهور حول دورها في مسلسل "صحاب الأرض" موضحة: "الناس متأثرة جدًا وحاسين بـ (كارما) ودي حاجة مهمة اوي عندي إني قدرت أوصل معاناة الشخصية للجمهور، شرف كبير ليا إني أقدم دور بيسلط الضوء على أهلنا في غزة والحاجات اللي مروا بيها".
أكملت: "الشغل مع دكتور بيتر ميمي كان حلو اوي فتجربة حلوة.. ودي مش أول مرة ألعب دور بنت فلسطينة والتقل والحمل اللي بتحمله، والناس في فلسطين أقوياء جدًا وعندهم روح فيها نضال، ناس مكافحة".
أشارت: "أجواء التصوير خلتنا نحس بتقل اللي بنعمله، ده واحنا بس بنصور حاجة الناس عاشتها فحسينا بيها، فكيف بجد اللي الناس عاشته، مش قادرة أتخيل كانوا بيحسوا بإيه!".