"لا زالت بالمستشفى".. تطورات الحالة الصحية لـ سوسن بدر

كشفت الإعلامية سهير جودة تفاصيل خضوع الفنانة سوسن لعملية جراحية عاجلة، بعد تعرضها لكسر في المفصل إثر سقوطها أثناء توجهها لتصوير أولى مشاهدها في مسلسل جديد.

قالت "جودة" خلال حلقة مساء السبت من برنامج "الستات" المذاع على شاشة قناة "النهار": "يوم الخميس اللي فات سوسن كانت رايحة تصور أول مشهد في مسلسل جديد، وكان فيه عتبة صغيرة جدًا حوالي 3 سم، اتكعبلت فيها ووقعت، وحصل كسر في المفصل، والإسعاف أخدتها وودوها مستشفى في المهندسين، وقالوا لازم تعمل عملية فورًا".

وأشارت "جودة" إلى أنها حرصت على التوجه فورًا إلى المستشفى لزيارة سوسن بدر، للاطمئنان على حالتها الصحية، مضيفة: "أنا لما عرفت رُحت لها على طول، وناس كتير راحت، وعملت العملية الساعة 8 ونص، وخرجت، والدكتور طمّنا، لكن لسه فيه ألم فظيع جدًا".

كما أكدت أن خروج سوسن من المستشفى مرهون باستقرار حالتها، قائلة: "هي قالت ليّ لو الحالة استقرت احتمال تخرج النهارده من المستشفى، لكن هتفضل فترة ما تتحركش، لحد ما الدنيا تستقر".

وفي السياق نفسه، وجّهت مفيدة شيحة رسالة دعم لـ سوسن بدر، متمنية لها الشفاء العاجل والعودة السريعة لنشاطها الفني، قائلة: "ألف سلامة عليكي يا حبيبتي، وإن شاء الله تقومي بالسلامة وتكملي كل الأعمال اللي أنتِ داخلة فيها السنة دي، ومعلش ربنا لما بيحب حد بيختبره، والاختبار جه في الأزمة دي، وإن شاء الله تعدي على خير".