مصلحة الضرائب تحجز على معاش الفنان عبد الرحمن أبو زهرة
أعلن أحمد أبو زهرة، نجل الفنان الكبير عبد الرحمن أبو زهرة، أن الضرائب حجزت على معاش والده.
نشر "أبو زهرة" عبر حسابه على موقع "فيسبوك" صورة للفنان الكبير وعلق عليها كاتبا: "هل مؤسسات الدولة مش وراها غير عبد الرحمن أبو زهرة بدل ما يتم تكريمه من الدولة، كل فترة يحصل موقف مهين له مع إنه لا هو عاوز حاجة من حد ولا مد إيده لحد ولا طلب أي شيء من أي إنسان كل اللي هو طلبه انه يعيش أيامه الأخيرة في هدوء وسلام نفسي".
تابع: "المرة دي مصلحة الضرايب بتهينه وتحجز عليه وياريته مثلا عنده أملاك ومليارات في البنك لا دي بتحجز على معاشه اللي مش بيكمل ربع ثمن الأدوية اللي بياخذها، تم وقف حسابه البنكي اللي مفيهوش غير المعاش وحينما سألنا عن السبب قيل انه محجوز عليه من الضرايب".
أضاف: "يا سيادة رئيس مصلحة الضرايب ارحموا فنان أفنى أكتر من ستين سنة من عمره في خدمة هذا الوطن ولم يتأخر طوال حياته في دفع كل الضرايب بل على العكس من يقول غير ذلك فهو ظالم".