صلاح: عاوز لقب أمم أفريقيا.. كسبت كل حاجة إلا هو!
تحدث محمد صلاح، نجم ليفربول ومنتخب مصر، عن كواليس مشاركته في كأس الأمم الأفريقية، مؤكدًا أنه أكثر شخص حريص على التتويج باللقب. معربًا عن سعادته بالأجواء داخل المعسكر الوطني، وبالعلاقة الوطيدة التي تجمعه بزملائه.
قال "صلاح" خلال المؤتمر الصحفي للمنتخب الوطني بعد التأهل لنصف أمم أفريقيا، المذاع عبر " ON SPORT": "المعسكر ده كله لو اتصور، يبقى أحسن معسكر أنا عيشته في حياتي، اللاعيبة كلها قريبة من بعضها، وبنحب بعض وبنقعد مع بعض، كلنا قريبين من بعض، وكوميديا مفيش بعد كده، غير الشغل في الملعب وبره الملعب".
أضاف: "مفيش حد في الدنيا في الأول والآخر مفيش حد في البلد كلها عاوز يكسب اللقب ده أكتر مني ، الحمد لله، كسب كل حاجة ما عدا اللقب ده.. والضغط على اللاعيبة مش هيفيدهم بحاجة.. الضغظ أنا اللي شايلة كده كده، ما جتش على كام شهر أو أسبوع".
أشار: "أنا محظوظ أني عاصرت الجيل الأولاني.. ومبسوط أكتر إني عيشت مع الناس دي، وشوفتهم يوم بيوم، شوفتهم وهما بيعانوا في عصر السوشيال ميديا، والدنيا صعبة عليهم.. كلنا عاوزين نعمل حاجة لبلدنا، ومحدش بخل بأي حاجة".
