خالد الصاوي يكشف عن تغيير شخصيته في عام 2025
كشف الفنان خالد الصاوي عن التغييرات التي شهدتها شخصيته في عام 2025، موضحا أنه كان عاما فارقا في حياته، حيث اتخذ عمل على تصحيح أخطائه في النصف الثاني من العام.
قال "الصاوي" خلال لقائه في برنامج "كلمة أخيرة" مع الإعلامي أحمد سالم عبر قناة "ON": “سنة 2025 كانت سنة فارقة في حياتي، نصها الأول كنت زعلان من نفسي ونصها التاني الحمد لله راضي عن نفسي”.
أوضح: "النص اللي زعلان فيه من نفسي لأني كنت ماشي على سيستم مش كويس خسرني كتير شكلًا وصحة وعلاقات، على الرغم من إني حاليًا الحمد لله ماشي على نظام علشان أخس وبتمرن وبنام بدري".
أضاف: "النص التاني اللي راضي فيه عن نفسي، عملت ثورة وكاتبها في اليوميات الثورة الخلودية الكبرى، وبركز وبخطط فيه لمشواري".
أشار إلى أنه شخصية صعبة الطباع: "أنا حد صعب جدًا وأحيانا الصعوبة بتكون إيجابية، علشان ما تخدنيش بالساهل، وممكن تديك شوية عمق وماتاخدش الأمور على علتها وتدرس المواضيع وتدرس الناس كويس، وماتظلمش بقدر الإمكان، أحيانا ليها عيوب زي إنك معقد أو مكلكع وصعب الإرضاء".
أكد "الصاوي" أنه شخص معقد، قائلًا: "لأني مش سهل ومن وأنا صغير جدًا بدأ الموضوع معايا الموضوع بحساسية تجاه بعض الأمور زيادة، أول مرة انتبه أن فيه ظلم كنت صغير، لأني كنت في الجيل اللي كان فيه احتلال واستعمرنا واحتلينا ووعيت على ده وإسرائيل والدول الكبرى بتعمل معانا كده ليه، ثم كان في حاجات في المدرسة بتضايقني سواء طريقة المعاملة السيئة لأننا كنا في الستينات وكنا بنتضرب، ووالدي كان محامي وقصة العدالة في البيت موضوع مهم أوي".