فيدرا: بقدر النصيحة لكن دون وصاية!
تحدثت الفنانة فيدرا عن اختلافات البشر في أفكارهم ومعتقداتهم وآرائهم، مشيرة إلى تقبلها لهذا الاختلاف وأنها تتقبل النصيحة ولكن دون فرض وصاية.
نشرت فيدرا عبر حسابها الرسمي على موقع التواصل الاجتماعي وتبادل الصور والفيديوهات "إنستجرام" مقطع فيديو قالت فيه: "احنا كناس مختلفين.. اختلاف في تفسير الدين والحياة والعبادة جاي من التربية والبيئة والتجارب".
تابعت: "مش كلنا من نفس المكان ولا بنشوف ربنا ولا الدنيا بنفس الشكل، وأي حاجة بعملها لربنا بعملها لربنا هو وبس، مسؤولة قدام ربنا مش قدام الناس".
نرشح لك: بعد أنباء تعرضه لوعكة صحية.. ليلى علوي تتمنى الشفاء لـ محمد منير
أشارت: " بقدر النصيحة وده مش معناه إني طالبة منكم لا محاسبة ولا وصاية، أنا مش صغيرة عندي تجارب وعندي سنين حياة وشغل وباخد قراراتي وبشيل مسئوليتها، مش دايمًا هقدر أفهم الناس ولا عارفة هما جايين منين في أفكارهم ومبادئهم".
أضافت: "اخترت أقبل الناس زي ما هما، ببساطة يعني بقبل حقيقي أن لكل واحد رحلته وتجربته في التعلم، وأن تجربتهم دي أنا معشتهاش، وفي الآخر كل واحد فينا ماشي في طريقه وكلنا نستحق نكمل رحلتنا بهدوء".