"أحد القامات الفنية".. محمد علي خير يدافع عن محمد صبحي

علق الإعلامي محمد علي خير على انتقاد البعض للفنان محمد صبحي، بعد تصريحاته عن فيلم "الست" وانتقاده لبعض ما جاء به، مؤكدًا أنه أحد القامات الفنية، ولا يصح التطاول على شخصه.

قال "علي خير" خلال حلقة مساء السبت من برنامج "المصري أفندي" المذاع عبر شاشة "الشمس": "ليه التطاول على محمد صبحي؟! هو مش نبي، بس أحد القامات الفنية الكبيرة، وله ما له وعليه ما عليه.. هو صانع مسرح شئت أم أبيت، وعلى المسرح مفيش زيه، وهو أقوى فنان مسرح في آخر 30 أو 40 سنة، هو ولينين الرملي".

نرشح لك: محمد علي خير ينتقد تصريحات أحمد العوضي: لست الأعلى أجرًا ولا مشاهدة!

أضاف: "عيب.. في ألفاظ اتقالت على الشاشة بحق محمد صبحي لا تليق به ولا بالعمل الإعلامي، ولو خد الفيديوهات وطلع على المجلس الأعلى للإعلام هياخد حقه".

أشار: "واحدة طالعة إمبارح تقوله (الزم حدودك) مين أنتِ.. عشان تقولي لـ محمد صبحي الزم حدودك أو عشان تطلعي تتكلمي عنه؟!".

أكد: "التاريخ هيقف أمام محمد صبحي، سواق ايه اللي طالع يغطي على قصته!! الراجل بيقول رأيه في فيلم، وأنا بدافع عن جرية أي حد يقول رأيه في أي حاجة".

اختتم: "أنا بدعوه ياخد ما قيل ضده وياخد حقه، لازم يكون في ضبط وربط، مش كل حد يطلع على الناس في الشاشة، أنا مش طالع في بيت اللي جابوني، أقول اللي أنا عاوزه!!".