كلمات أغنية "ركن بعيد" لـ حمزة نمرة
طرح الفنان حمزة نمرة أغنية جديدة بعنوان "ركن بعيد" ، من ألبومه "احكي"، عبر قناته الرسمية على موقع يوتيوب
الأغنية من كلمات محمود فاروق، ووتوزيع ألحان حمزة نمرة.
وجاءت كلمات الأغنية كالتالي:
دايماً واخد ركن بعيد
وبتتعمد تبقى وحيد
عيني في عينك
كل ده بس هروب من جرح جديد
مش عايز تبذل مجهود
والغايب زي الموجود
عامل بينك وبين الكل حدود
وطريق مسدود
حاطط على قلبك ترباس
وبتخسر بسهولة الناس
خايف لا تقرب عطشان
يسقوك من نفس الكاس
شايل حمل كبير جواك
علشان ياما البعد أذاك
حتى اللي حلف انه محال هيغيب
ما فضلش معاك
من كتر ما بنفارق ناس ووجعنا قلبنا
خوفنا نعيش نفس الإحساس
قفلنا على نفسنا
من كتر ما بنفارق ناس ووجعنا قلبنا
خوفنا نعيش نفس الإحساس
قفلنا على نفسنا
اتغيرت مع الأيام
وكلامك بقى ناقصه كلام
وسكوتك خلاك دايماً تتلام
للمرة الكام
عمرك كله وداع في وداع
ليلك بيصحي الأوجاع
خايف تشتري حد جديد علشان
خايف تتباع
عيني ف عينك ايه خلاك
خايف توصف ايه جواك
نفسك تتكلم وتقول وتبوح
لكن مجروح
الأيام ما بتستناش
ويا تلحق يا ماتلحقهاش
ليه بتخبي الكلمة الحلوة ساعات
ومابتقولهاش
من كتر ما بنفارق ناس ووجعنا قلبنا
خفنا نعيش نفس الإحساس
قفلنا على نفسنا
من كتر ما بنفارق ناس ووجعنا قلبنا
خفنا نعيش نفس الإحساس
قفلنا على نفسنا