كلمات أغنية "ياروح" لـ حمزة نمرة
طرح المطرب حمزة نمرة أغنية جديدة بعنوان "يا روح" عبر قناته الرسمية بموقع يوتيوب.
الأغنية من كلمات محمد الشافعي، ألحان حمزة نمرة، توزيع ومكس وماستر عمرو الخضري.
جاءت كلمات أغنية "ياروح" كالتالي:
رجعت أوضتي، قفلت بابي قوام..عليا
صمت تام، والدوشة فيا عقلي مش بينام
ليه نطفي، كل نور، ونقيد يا قلبي
كل جرح عنيد تعبنا وهد فينا زمان
كام خوف حبسنا، وكله من ورا تحليلاتنا للي فات
خلينا ساكتين وقديمنا قديم، بكفاية يا قلبي عناد
يا روح، ما خلاص ما بعدك روح
ده كلام، ما بلاش نفتح فيه
ديه جروح لو جت سيرتها تزيد
طب ليه، فينا اللي مات نحييه
ليه يا قلبي بتسيب، دماغنا تودي وتجيب
ده سهم الذكرى بيصيب، مالوهش حبيب
ليه تاخدني وياك، من حنين لحنين لهلاك
ذكرى ليها سنين مفارقاك، وأنت لسه هناك
ما هو بان لي بوضوح، انه مش مسموح تاني نبوح
للهموم، خلينا ساكتين، وقديمنا قديم، ما تسيب جرحنا ملموم
يا روح، ما خلاص ما بعدك روح
ده كلام، ما بلاش نفتح فيه
ديه جروح لو جت سيرتها تزيد
طب ليه، فينا اللي مات نحييه