بعد الهجوم عليه.. داليا مصطفى تدافع عن أحمد السقا
دافعت الفنانة داليا مصطفى عن الفنان أحمد السقا بعد حملة الهجوم التي تعرض لها بسبب مقطع الفيديو الذي ظهر فيه يتحدث باللغة الإنجليزية لدعم محمد صلاح بعد تصريحاته الأخيرة حول أزمته مع نادي ليفربول.
نشرت "مصطفى" مقطع فيديو عبر حسابها الرسمي على موقع التواصل الاجتماعي وتبادل الصور والفيديوهات "إنستجرام"، قالت فيه: "من ساعة ما صحيت من النوم وأنا شايفة تعليقات صعبة جدًا على أحمد السقا، هو أحمد عمل إيه؟ أحمد مصري ودافع عن محمد صلاح المصري ضد موقف سخيف جدًا بيحصل معاه، احنا بقى كمصريين بنهاجم ليه؟".
تابعت: "على فكرة أحمد راجل اوي، ووقف جنب ناس كتير اوي، ناس من الوسط الفني وبرا الوسط، وله مواقف كتير اوي فيها جدعنة، فاحنا ليه نخلي قامة عندنا بالشكل ده تبقى محط استهزاء وسخافة وتريقة؟".
أضافت: "ومن جيل جديد ممكن حتى ميكونش عارف أحمد السقا بشكل قوي، ليه نخلي شكله وحش كده؟ ليه بنعمل كده في بعض؟ أنتوا عارفين ده ممكن يأثر على نفسيته إزاي؟ أنتوا عارفين الكلام ده بيبقى صعب على نفسية الناس قد إيه؟ بجد حرام".