بعد الهجوم على أحمد السقا.. محمد أنور: المهم هو التريند!
دعم الفنان محمد أنور الفنان أحمد السقا بعد الهجوم والانتقادات التي ووجها له، وذلك بعد نشره لمقطع فيديو باللغة الإنجليزية لدعم محمد صلاح.
كتب "أنور" عبر حسابه الرسمي على موقع التواصل الاجتماعي وتبادل الصور والفيديوهات "إنستجرام": "أحمد السقا فعلًا ميجا ستار.. فيه ناس بتقولها على نفسها معملوش ربع تاريخه ولا أعمالهم هتعيش وهتعلم زي أعماله".
تابع: "كل أفلامه علامات في تاريخ السينما المصرية.. أحمد السقا أصبح أيقونة في الأكشن والناس في الشارع لما بتلاقي واحد قلبه جامد بتقوله (أنت فاكر نفسك أحمد السقا ولا ايه)".
أشار: "ومحمد صلاح عمل تاريخ مشرف وأصبح ملهم وخلى المستحيل ممكن ووصل لمكانه أظن مفيش حد عربي هيوصلها تاني على الاقل طول ما احنا عايشين، فبدل مانفرح أننا حضرنا ده لا بنحاول نهده ونفرح فيه وبنتمني وقوعه بسرعة".
أضاف: "وقبلهم مجدي يعقوب وعمرو دياب ومنى زكي وخوض في أعراض ومين طلق ومين أتجوز ومين مات وغيرهم كتير .. السوشيال ميديا مفيدة أحيانًا وفيها ناس محترمة كتير وكلامهم مهم وآرائهم محترمة حتى لو كان نقد سلبي لكنهم للأسف قلة".
أكمل: "أما الغالبية العظمى والأكثر تأثيرًا على السوشيال ميديا كلها ترندات هدم، سواء في شخص أو مجتمع وشتايم وتريقة وإثارة فتن ودي بتأثر على الوعي الجمعي أكتر، وأنا نفسي بتأثر بده حتى لو كنت أعرف الشخص ده وعارف أنه مايعملش كده، لكني للأسف بصدق".
تابع: "السوشيال ميديا أصبحت مرعبة حقيقي وطلعت كل اللي في النفوس، بقى سهل الواحد يطلع كل السواد اللي جواه في الحقيقة على السوشيال ميديا من غير خوف لأن محدش شايفه ولا هيحاسبه.. ومحدش بيحط نفسه مكان اللي بيشتمه ده أنه مهما كانت نجوميته أو مركزه وقيمته في المجتمع فهو في الآخر إنسان زيك، لما يقرأ الكلام ده أو حد من أهله أو أولاده ممكن يحصله إيه وهينام اليوم ده عامل إزاي ومحدش بيديله فرصة يدافع عن نفسه يمكن يبقى مظلوم، بس ازاي نسمع منه كده الترند هيبوظ
المهم هو الترند.. هنستلم مين النهارده ونهينه هو وأهله بسرعة مفيش وقت عشان بكرة في ترند جديد وضحية جديدة هينام بكره معيط هو كمان".