وئام مجدي تنتقد نفي بعض المشاهير لعمليات التجميل
انتقدت الفنانة وئام مجدي نفي بعض المشاهير خضوعهم لعمليات تجميل، وردودهم غير المقنعة عند سؤالهم عن سر تغيّر مظهرهم، مشيرة إلى أنها لجأت إلى "البوتوكس"، وكانت تنوي إجراء عملية "نحت"، لكنها تراجعت في النهاية.
قالت "مجدي" عبر فيديو نشرته عبر حسابها الرسمي على موقع تبادل الصور والفيديوهات: "أنا لما عملت (بوتوكس) قُلت ده، وكان المفروض هعمل نحت أول الشهر، وبعدين تراجعت".
أضافت: "أنا بقول ده، بس في بنات مش بتقول وأنا بحترم ده.. لكن لما تبقي عريضة وتخسي وحد يسألك، فـ تقولي: عومت!! عومتي في مياه نار؟! أو شعرك طول وأنتي مركبة إكستينشن، فتقولي: أصل أنا بحط روز ماري!! لما حد يسألك قولي أنتِ مالك، لكن بلاش كده!".
أشارت: " الولد بيبقى (سلعوة) وفجأة يتغير، ويقول: أكلت مسلوق واتمرنت شهر!! أو واحدة تقول أنا ما عملتش مناخيري وطول عمري كده، لأ أنتِ بمنخار وباينة.. وبعدين هي 3 دكاترة بيلفوا حوالينا، وكلها عارفة بعضها.. بالله عليكم ارحمونا".