بتسجيل صوتي.. عبلة كامل توجه رسالة للجمهور
طمأنت الفنانة عبلة كامل جمهورها على حالتها الصحية، مشيرة إلى أنها خضعت لعدة عمليات على نفقتها الخاصة وأصبحت في حالة جيدة، ووجّهت رسالة عتاب لبعض الأشخاص.
قالت "كامل" عبر تسجيل صورتي تم عرضه في برنامج "الصورة" مع الإعلامية لميس الحديدي المذاع عبر شاشة "النهار": "أحب أشكر السيد رئيس الجمهورية على قراره بعلاج الفنانين على نفقة الدولة، أنا فوجئت بالقرار وسعدت بيه جدًا، ودي لافتة هايلة وحنونة وكريمة منه".
أضافت: "أنا عاوزة أطمن الناس اللي أنا بحبهم وبيحبوني، أنا الحمد لله كويسة وبخير.. كنت عملت عمليات قبل كده بس أنا الحمدلله بقيت كويسة، والعمليات دي كانت على نفقتي الخاصة.. وبشكر كل الناس اللي دعوا لي وبقول لهم: (إن شاء الله الملايكة يردوا عليهم ويقولوا لهم ولكم بمثلها)".
أشارت: "وليا عتاب على اللي قالوا: (هي عبلة كامل محتاجة فلوس؟! مش لازم تتعالج)، رفقًا بالقلوب.. بس أنا مسامحة، وكلنا مسمحين بعض، وإن شاء الله كلنا نبقى كويسين".
أكدت أنها لا تمتلك أي حسابات رسمية عبر مواقع التواصل الاجتماعي، موضحة: "أنا معنديش صفحة ومش هيبقى عندي صفحة لحد ما أقابل وجه كريم، وأنا دايرتي مغلقة جدًا وقافلة على نفسي.. واللي حواليا كلنا دايرتنا مغلقة علينا، وأي تصريح بيبقى مش على لساني ولا لسان اللي حواليا".
