كلمات أغنية "شهر ديسمبر" لـ ميرهان حسين
طرحت الفنانة ميرهان حسين أغنية تحمل اسم "شهر ديسمبر" عبر قناتها الرسمية على موقع الفيديوهات الشهير "يوتيوب".
أغنية "شهر ديسمبر" من كلمات سمير طارق، ألحان جابر جمال، مكس وماستر ماهر صلاح.
وجاءت كلمات أغنية "شهر ديسمبر" على النحو الآتي:
معرفش أنا ليه كل مشاعري
متلخبطة يوم عن يوم وياك
وساعات بتمنى تكون جنبي
وكتير بتمنى إن أنا أنساك
و ساعات بستخسر أنا
حتى فكرة إنك تيجي فبالي
وبحس أوقات أنك عمري
والكون كله بالنسبة ليا
و بفكر ياما و صفر قرار
شهر ديسمبر يشبه ليا
ماهو شهر عديم الاستقرار
و انا شبهه مليون في المية
من بره مطرة
و برق و رعد
جوايا روقان وسلام نفسي
الخير و الشر أنا على بعض
كوكتيل أنانية وحنية
أنا عالم شكله يبان مليان
بالناس وأساسا بقى فاضي
و بقول هعمل وأعمل في الناس
و بنزل تاني على الفاضي
بعترف إن مشاعري أنا هشة
بحتاج لو كلمة تبل الريق
و الله ده أنا أضعف من القشة
ولا تسند ولا بتنجي غريق
و بفكر ياما وصفر قرار
شهر ديسمبر يشبه ليا
ماهو شهر عديم الاستقرار
و انا شبهه مليون في المية
من بره مطرة
و برق و رعد
جوايا روقان وسلام نفسي
الخير و الشر أنا على بعض
كوكتيل أنانية وحنية