رمضان 2026.. مي عمر عن "الست موناليزا": "مرتبط بقضايا الستات"

تحدثت الفنانة مي عمر عن كواليس مشاركتها في مسلسل "الست موناليزا"، المنتظر عرضه في موسم دراما رمضان 2026.

قالت "عمر" في تصريحات على هامش حفل افتتاح مهرجان البحر الأحمر، إن المسلسل يتبنى قضية هامة تتعلق بالمرأة، موضحة: "حلو أوي وكله مشاعر ومرتبط بالستات أوي.. دايما بحب الأدوار اللي دايما فيها قضية لها علاقة بالست سواء خيانة أو اضطهاد".

أضافت: "أنا دايما وأنا بختار أدواري، لو الموضوع اللي بعمله مالوش علاقة بالست بشكل أو بآخر بلاقيه مش بيشدني".

وعن زوجها المخرج محمد سامي، قالت: "من زمان أوي بقوله لازم تمثل، بقالي أكتر من 10 سنين بقوله.. هو بيمثل حلو أوي وكلنا أدورنا هو اللي كان بيوجهنا ويقولنا نمثل إزاي".

يشار إلى أن مسلسل "الست موناليزا"، من المقرر عرضه في دراما رمضان 2026، وهو من بطولة مي عمر وعدد من النجوم، ومن تأليف محمد سيد بشير، وإخراج محمد علي.