موعد إعلان الفائز في برنامج "دولة التلاوة"
أعلنت الإعلامية منى الشاذلي عن موعد التصفيات النهائية وإعلان الفائز في برنامج "دولة التلاوة".
قالت "الشاذلي" في برنامج معكم منى الشاذلي عبر شاشة on: "التصفية النهائية وإعلان الفائز في برنامج "دولة التلاوة" هتكون على الهواء مباشرة ليلة رمضان".
تابعت: "الجمال والحلاوة اللي بتتعرض على الشاشة بشكل مبتكر في برنامج دولة التلاوة، الصيغة صيغة مسابقة ومنافسة، إنما الجوهر مش بس استعراض لأصوات عظيمة وواعدة سواء صغيرين في السن أو في أواسط العمر، لا ده تأكيد على الامتداد".
استكملت: "إيه حلاوة الإلقاء والتلاوة والأحكام دي؟ والمدرسة المصرية في القراءة بتنوعاتها، مش بس المتسابقين إنما لجنة التحكيم ناس متمكنة، تحس إنه مش مجرد برنامج، هو مشروع متكامل يشجع ويطبطب عليك ويقولك تأكد البلد دي مليانة ناس عظيمة جدا أحفاد لقراء عظام جدا كانوا موجودين في مصر والعالم الإسلامي".