أنا معقدة.. أبرز تصريحات زينة عن الارتباط والرجال

تحدثت الفنانة زينة عن حياتها العاطفية وإمكانية ارتباطها، كما أوضحت طريقة تربيتها لأبنائها.

قالت زينة في برنامج "الصورة مع لميس الحديدي" المذاع على شاشة النهار وتقدمه الإعلامية لميس الحديدي: "أبويا وأخواتي رجالة، ولادي هيطلعوا رجالة، كل ما هو محترم، بيحترم نفسه والآخرين، ومش بيقصر في حقوق اللي قدامه، ومضحي وطيب ومش بيجيب سيرة ستات ومابيتكلمش عليهم، وبيحافظ عليهم ويصونهم، ورحيم، كل ما هو رحيم وجدع راجل.. هما مش قليلين في ناس كتير كويسة".

تابعت: "ببقى حنينة مع ولادي، الحنية تطلع رجالة، الحنية مش الدلع، لما تعلمي ابنك إنك حنينة عليه، هو هيبقى حنين عليكي وعلى مراته، الحنية والقلب مش ضعف، اللي يفتكر الحنية والحب والقلب ضعف، ده يبقى غبي".

وعن حياتها العاطفية وإمكانية ارتباطها، ذكرت: "يمكن اتعقدت، أظن كده، معرفش أنا مروحتش لدكتور.. أنا بصراحة ماشوفتش رجالة في حياتي، والله لو لقيت راجل معرفش برضو، أنا بقيت أقرف منهم شوية، أنا آسفة.. مش كل الرجالة، كل الرجالة أنا بحترمهم جدا، بس أنا واحدة معقدة سيبوني في حالي".