رسالة ماجد المصري لـ شيرين عبد الوهاب

وجه الفنان ماجد المصري، رسالة إلى الفنانة شيرين عبد الوهاب، حثها من خلالها على تمالك مشاعرها وأحاسيسها للعودة إلى الساحة الغنائية قريبا.

قال "المصري" خلال برنامج "وبعدين"، للإعلامية رابعة الزيات: "أتمنى لها الخير.. شيرين واعية جدًا وفنانة كبيرة ومش محتاجة نصيحة.. متخليش حاجة تأثر عليكي ولا في بيتك ولا عملك لأنك نجمة كبيرة جدًا وتمتلكي مشاعر وأحاسيس بدرجة عالية جدًا".

تابع: "متديش فرصة لحاجة إنها تأثر عليكي، كلنا خطائين بس المهم أنه ميأثرش على الحاجات اللي أنتي موجودة عشانها في الحياة زي أسرتك وبيتك، عملك، عطائك".

كانت الفنانة شيرين عبد الوهاب، قد طمأنت الجمهور على حالتها الصحية من خلال تسجيل صوتي تم تداوله عبر مواقع التواصل الاجتماعي، جاء فيه: "وصلني إني بعتزل وإن مودي مش حلو.. أنا كويسة جدا وبحضر مفاجآت مختلفة وجديدة هتفرحوا بيها".

تابعت: "هفضل أغني لحد ما أموت ومفيش اعتزال، الاعتزال هو الموت.. وصلني حبكم وعايشه بيه وله.. اطمنوا أنا مش بستسلم".

اختتمت التسجيل قائلة: "في حاجات جامدة بتحصلي من أقرب الناس ليا.. تكسير وقتل بس أنا جامدة وربنا معايا ومقويني".

يشار إلى أن حسام حبيب، كان قد نفى في سبتمبر الماضي حقيقة الأنباء المتداولة عن سفر الفنانة شيرين عبد الوهاب للخارج للخضوع للعلاج، حيث قال في لقاء مع ET بالعربي: "أنا عارف إن هي راحت تتعالج فعلا، هي مش تتعالج يعني هي فترة نقاهة مش علاج ولا حاجة، علاج من إيه؟ مفيش حاجة هي كويسة وزي الفل".