في ذكرى وفاته الأولى.. رسالة مؤثرة من ماس محمد رحيم لوالدها
تحدثت ماس ابنة الملحن الراحل محمد رحيم، عن والدها بكلمات مؤثرة، وذلك بمناسبة ذكرى وفاته الأولى، معبرة عن مدى اشتياقها له.
كتبت "رحيم" عبر صفحتها الرسمية على "إنستجرام": "فكرت كتير في الكلام، لإني عارفة كويس أنه هيوصلك وهتحس بيا، بقالي 3 شهور بحاول أجمع كلامي، وبقالي سنة بحاول أصدق".
نرشح لك: في ذكرى رحيل طارق عبد العزيز.. عرض فيلمه القصير الأخير "600 كيلو" على يوتيوب
تابعت: "بقيت أدور عليك في تفاصيل عمري.. وكل كلامك يهمني ومش بنسى، انا فقدت روحي ونفسي وإحساسي وشغفي لما مشيت، بس كل مرة بفتكرك بيرجعولي تاني".
أشارت إلى "ما كنتش باخد بالي منها في العادي، بدور على صوتك في كلامي وملامحك في مرايتي وفي وشوش إخواتي وأهلنا، كل ما بتوحشني يا بابا بتفرج عليهم و بشوفك فيهم”.
أضافت "كل ما أفتكر ذكراياتنا و ارجع للماضي، من كتر احساسي بيك بحس إن اللحظة لسة عايشة و إن في بعد تاني انا و انت و هارتي قاعدين سوا في المكتب بنضحك بليل على حاجه مفيش حد هيفهمها لو سمعونا، او لسا بنتمشى في الشارع و انا بتغني بصوت عالي عشان انا و هارتي نضحك و نتكسف و أنت تضحك على رد فعلنا"
واختتمت: "ذكرى أليمة و بتوجعني وبتحطمني و لكن كفاية عندي إني بفتكرك أنت، ورب العالمين رزقني بيك و خلاني بنتك و خلى حبك في قلبي كبير كدا عشان توحشني
أوي أوي اوي أوي كدا، ادعو ل قلبي بالرحمة و المغفرة".