رحمة محسن: "المشوار صعب.. وبتمنى الجاي يكون أحن"
تحدثت رحمة محسن عن تحديات الحياة والنجاح وتأثيرهما عليها، مشيرة إلى أن مشوارها حتى إن كان يبدو بسيطًا، لكنها وحدها وتعمل مدى صعوبته.
كتبت "محسن" عبر حسابها الرسمي على موقع "إنستجرام": "الإنسان لازم يتقبل إن نجاحه ممكن يكون بياكل في قلب ناس مريضة، وفي أشخاص ممكن ما تنامش الليل لو حسوا إنك ف خير وكرم من ربنا، وفي ناس ممكن تبقى معاك عشان إنت عندك المصلحة.. لكن لو خلصت منك مش هايسيبوك تعيش.. ولازم يبذلوا أقصى مجهود ممكن يبذله إنسان لتدمير إنسان تاني".
تابعت أن أعمال الإنسان هي المنجية له في مثل هذه المواقف، مشيرة: "هنا بقى بتحاوطك أعمالك اللي بتتاجر فيها مع ربنا، مرّة ما ظلمتش حد ، ومرّة أكرمت حد، ومرّة سامحت حد، ومرّة راضيت محتاج، ومرّة جبرت بخاطر مكسور، ومرّة هويت وطبيت عليّ حد، ومرّة سندت صاحبك، ومرة راضيت أمك وأبوك.. كل حاجة من دول مهما كانت بسيطة بتحاوطك لما يجتمع البني آدمين على ظلمك وأذيتك".
أضافت "محسن": "يمكن اللي بحققه يكون في نظر ناس كتير بسيط ومش مهم.. لكن أنا بالنسبة ليا كبير جدًا لأن أنا لوحدي وعارفة قد إيه المشوار كان صعب ومتعب وكله شقى".
اختتمت: "بتمنى إن أي حد قابل ناس مؤذية ياخد العبرة مني وأتمنى إن اللي جاي في حياتي يكون أطيب وأحن من اللي فات".