بسمة بوسيل: "تامر حسني حالته مستقرة.. وعلاقتنا كلها حب واحترام"
طمأنت الفنانة بسمة بوسيل الجمهور على الحالة الصحية لطليقها الفنان تامر حسني، بعد خضوعه لعملية جراحية، مشيرة إلى أن حالته مستقرة وخرج من المستشفى وسيعود لمصر.
قالت "بوسيل" خلال حوارها مع "فوشيا": "أنا وتامر بنتكلم كل يوم.. والحمد لله هو عمل العملية وخرج من المستشفى وحالته مستقرة، وراجع مصر.. وربنا كان معانا في خطوة، وهيبقى أحسن من الأول بإذن الله".
أضافت: "تاليا كانت معاه وأنا معرفتش أبقى معاهم، لأن (الفيزا) بتاعتي كانت خلصت، وتاليا رجعت لما خرج من المستشفى عشان المدرسة.. وولادنا الصغيرين اتفقنا ما نقولهمش عشان هيخافوا.. وقُلنا لهم بعد كده إنه عمل عملية خفيفة".
وعن علاقتها بتامر حسني بعد انفصالهما، أكدت: "ضغوطات السوشيال أكتر حاجة بتضايقنا، لأن ساعات بيبقى في ناس مش فاهمة وأنت مضطر طول الوقت تشرح، بس أنت مش قادر".
اختتمت: "تامر بالنسبة ليا هو أبو عيالي واللي خلاني أم، وطول عمري هبقى بحبه وبحترمه.. ومهم أوي نبقى كويسين مع أولادنا عشان دي مسئولية، وإحنا اللي اخترنا أننا نجيبهم ولازم نبقى قد المسئولية".