كلمات أغنية "في يومي" لـ نداء شرارة
طرحت الفنانة نداء شرارة أغنية جديدة بعنوان "في يومي" عبر قناتها الرسمية بموقع "يوتيوب" وهي ضمن ألبومها "آسف لمين".
الأغنية من كلمات الشاعر إسلام الجريني، ومن ألحان الراحل محمد عبد المجيد، وتوزيع موسيقي وميكس ماستر خالد مصطفى، وفيديو أحمد جريزمان.
وجاءت كلمات الأغنية كالتالي:
في يومي أنت وفي همومي
وذوقك حتى في هدومي
أنا وأنت مابينا حاجات ما يفهمهاش إلا احنا
ما تيجي يا صاحبي نتمشى ونفصل حبة من الدوشة
واحشني هزارنا والحكايات
وقعدة تفك على روحنا
لو حتى عني بعيد ومفيش مواعيد بتجمع بينا زي زمان
على طول معايا أكيد في كل جديد
حتى لو مبقتش تبان
في يومي أنت وفي همومي
وذوقك حتى في هدومي
ما تيجي شوية نتمشى ونفصل حبة من الدوشة
واحشني هزارنا والحكايات
وقعدة تفك عن روحنا
عن لما وقت جميل سهر بالليل
وعن أيامنا سوى يا سلام
عن وقت لما احتاج ليك أبص ألاقيك بهدى قوام
في يومي أنت وفي همومي
وذوقك حتى في هدومي
أنا وأنت مابينا حاجات ما يفهمهاش إلا احنا
ما تيجي شوية نتمشى ونفصل حبة من الدوشة
واحشني هزارنا والحكايات
وقعدة تفك عن روحنا